Дортмунднинг "Боруссия" клуби ҳимоячиси Рафаэл Геррейро Туманли Албионга ўтиши мумкин.Daily Mail журналистларининг хабарига кўра, 29 ёшли португалиялик футболчининг трансферига "Манчестер Сити" қизиқиш билдирмоқда.
Англиянинг топ-клуби Геррейрани арзонлаштирилган нархда қўлга киритиши мумкин, чунки футболчининг "Боруссия" билан шартномаси 2023 йилнинг июн ойи охиригача амал қилади. Тransfermarkt портали унинг нархини 20 миллион еврога баҳоламоқда.
Рафаэл 2016 йилдан буён дортмундликлар сафида ўйнаб келмоқда. Ҳимоячи жорий мавсумда Бундеслигада 12 та ўйинда майдонга тушиб, 1 та гол ва 2 та голли узатмага муаллифлик қилган.
