Бироз аввал Лондоннинг «Арсенал» клуби Англия чемпионати турнир жадвалидаги пешқадамликни мустаҳкамлади, 2022 йилги сўнгги ўйинда жамоа «Брайтон»ни мағлуб этди ва энди «Манчестер Сити»дан 7 очко олдинга чиқиб олди.
Учрашувни «тўпчилар» вакили Габриэль Мартинелли анча фаол ўтказди. Баҳс якунлангач, бир қатор статистик маълумотлар пайдо бўлди. Унга кўра, бразилиялик футболчи рақиб жарима майдони ичида тўпга энг кўп тегинган (11) ва энг кўп зарба йўллади (5).
Маълумот учун, «Арсенал» келгуси баҳсни «Ньюкасл»га қарши 4 январь куни ўтказади.
