Эрик тен Хаг "Манчестер Юнайтед"нинг ўринбосарлар жамоасини тўлиқ назоратга олди, деб хабар беради The Mirror.
Нидерландиялик мутахассис ўтган йилнинг баҳорида "Юнайтед" билан музокаралар чоғида 23 ёшгача бўлган жамоани бошқаришга рухсат берилсагина клубни бошқаришга рози бўлганини маълум қилди.
Кечаги матбуот анжуманида тен Хаг ушбу ечимнинг асосий афзаллиги ҳақида батафсил гапириб берди. Унинг сўзларига кўра, бу иккинчи ва биринчи жамоа ўртасидаги алоқани мустаҳкамлайди.
“Барча ёшдаги жамоалар ўртасидаги ҳамкорлик клубда тўғри маданиятни шакллантириш учун жуда муҳимдир. “Манчестер Юнайтед”га келганимда, ўринбосар жамоа яккаланиб қолганди.
Академия асосий жамоанинг бир қисми эмас эди. Мен уни дарҳол ўзгартирдим. Худди "Аякс"даги каби.
"МЮ"да ўринбосарлар жамоаси менинг қўл остимга ўтди. Бу асосий жамоага иқтидорли ёш ўйинчиларнинг кириб келишига таъсир қилишимнинг ягона йўли эди.
Албатта, мен ёшлар жамоаларининг мураббийларига эркинлик бераман, лекин, масалан: “Мен бу футболчининг шу позицияда кўпроқ дақиқалар олишини истайман” деб уларга йўналиш беришим мумкин.
Захирадагиларнинг яхши ўйин кўрсатиши ва асосий таркибга ўтадиган ўйинчилар оқими учун асосий масъулият менда", - дейди Тен Хаг.
