"ПСЖ" ҳимоячиси Маркиньос клуб билан янги шартнома борасидаги музокаралар ҳақида гапирди.
“Ҳа, биз янги шартномани муҳокама қилмоқдамиз. Музокаралар жуда яхши кетмоқда", - дея бразилияликнинг сўзларини келтиради L'Equipe.
Маркиньос "ПСЖ"да 2013 йилнинг июлидан буён тўп суради. 28 ёшли футболчининг амалдаги шартномаси 2024 йилнинг июнь ойи охиригача амал қилади.
2022/23 йилги мавсумда ҳимоячи парижликлар сафида 23 та ўйинда 2 та гол урди.