Нидерландия ва "Барселона" ярим ҳимоячиси Френки де Йонг мавсум якунида "қизил иблислар"дан таклиф тушса, "Манчестер Юнайтед"га ўтишга тайёр. Бу ҳақда Tuttomercatoweb нашри маълум қилди.
Ўтган ёзда "манкунианликлар" 25 ёшли футболчини қўлга киритишга уриниб кўрдилар, бироқ келишув барбод бўлди. Де Йонгнинг трансфер нархи 50 миллион еврога баҳоланмоқда ва унинг "кўк-анорранглилар" билан шартномаси 2026 йилнинг ёзида якунига етади.
Нидерландиялик футболчи жорий мавсум Ла Лигада 14 та ўйинда майдонга тушиб, 2 та гол ва 1 та голли узатмага муаллифлик қилган.
