"Манчестер Сити" бош мураббийи Пеп Гвардиола қандай ҳолатда жамоани тарк этиши мумкинлигини айтди.
Мутахассиснинг амалдаги шартномаси 2025 йилнинг ёзига қадар мўлжалланган.
“Бирор нарса нотўғри кетаётганини ҳис қилсам, нафақага чиқаман ёки шартномамни узайтирмайман. Мен Алекс Фергюсон ёки Арсен Венгер каби қолмайман. Шартнома шунчаки қоғоз парчаси. Клуб билан шартномамни узайтирдим, чунки мен раҳбарлигимда жамоа ҳали ҳам муваффақиятга эриша олишини ҳис қиляпман. Охир-оқибат, барчаси натижаларга боғлиқ. Агар бир-биримиздан чарчаган бўлсак, шартномам тугагунча қолмайман", - дея Гвардиоланинг сўзларини келтиради Goal.
"Сити" 16 турдан кейин 36 очко билан АПЛ турнир жадвалида иккинчи ўринда бормоқда. "Арсенал" 43 очко билан биринчи ўринда бормоқда.
