"ПСЖ" ҳали ҳам захира дарвозабони Серхио Рико билан хайрлашишга шошилмаяпти. Журналист Фабрицио Романонинг фикрича, парижликлар қишки трансфер ойнасида "ПСЖ"ни ҳам тарк этиши мумкин бўлган Кейлор Навас билан боғлиқ вазият туфайли испанияликни қўйиб юборишни истамаяпти.
Рико - Кристоф Галтьенинг дарвоза учун Жанлуижи Доннарумма ва Кейлор Навасдан кейин учинчи танлови. Италия чемпиони "Милан" яқинда Серхиони жароҳат олган Майк Мейнянни ҳеч бўлмаганда қисқа муддатга алмаштириш учун ижарага олиш истагини билдирди.
Эслатиб ўтамиз, 29 ёшли Рико испаниялик “Севилья” тарбияланувчиси ҳисобланади. Ўтган мавсумда Серхио "Мальорка"да ижара асосида ўйнади.
