"Челси" бош мураббийи Грэм Поттер Энцо Фернандес ва Михаил Мудрикларнинг потенциал трансфери ҳақидаги саволга жавоб берди.
"Бу яхши савол, лекин мен ундан қочишим керак. Сабабини тушунасиз деган умиддаман. Мен ҳар доим айтаман, мураббий сифатида жамоада мавжуд бўлган футболчилар учун жавобгарман. Биз ҳар бир трансфер ойнасида яхшиланишга ҳаракат қиламиз, аммо мавсум ўртасида буни қилиш қийинроқ бўлади" - деди Поттер матбуот анжуманида.
"Челси" айни дамда Англия Премьер-лигаси турнир жадвалида 10-ўринда бормоқда. 5 январь Грэм Поттер жамоаси ўз майдонида "Манчестер Сити"ни қабул қилади.
