Лондоннинг "Челси" клуби Лиссабоннинг "Бенфика" ярим ҳимоячиси Энцо Фернандеснинг трансфери бўйича сўнгги таклифи тафсилотлари маълум бўлди.
Record Portugal нашри хабарига кўра, "кўклар" аргентиналик футболчини ўз сафига қўшиб олиш учун Ҳаким Зиешни ва 90 миллион евро таклиф қилишган.
"Бенфика" аллақачон ўз жавобини билдирган ва "Челси"га 120 миллион еврони тўлаши ёки эътиборини бошқа вариантларга қаратиши кераклигини айтди.
Шунингдек, "Челси" "Бенфика"га ўзининг ёш футболчилари - Давид Датро Фофан ва Андрей Сантосни ижарага беришни таклиф қилишди, аммо лиссабонликлар бу таклифга ҳам рад жавобини беришди.
Томонлар ўртасида музокаралар давом этмоқда, бироқ келишувга эришиш даргумон.
