Ушбу календарь йилида CIES Football Observatory тадқиқот гуруҳи футбол мухлисларини қизиқарли материаллар билан қувонтиришда давом этмоқда.
Бу сафар экспертлар дунёнинг энг қиммат футболчилари рейтингини тузиб чиқди. Ўйинчиларнинг тахминий қиймати махсус статистик модель ёрдамида ҳисоблаб чиқилган.
Дортмунднинг “Боруссия” клуби ва Англия терма жамоаси ярим ҳимоячиси Жуд Беллингем 208,2 миллион евролик нарх билан рўйхатда биринчи ўринни эгаллади.
Кейинги ўринда яна бир англиялик - 200,5 миллион еврога баҳоланган "Манчестер Сити" футболчиси Фил Фоден.
Кучли учликни 190,7 миллион евро билан “ПСЖ” юлдузи Килиан Мбаппе якунлади.
Шунингдек, топ-ўнликка Винисиус Жуниор (190,5), Эрлинг Холанд (174,9), Педри (170,2 ), Гави (147,6), Жамол Мусиала (145,1), Йошко Гвардиол (125,8) ва Федерико Вальверде (123,5) киритилган.
