"Челси" ва Франция терма жамоасининг собиқ ҳимоячиси Вильям Галлас Аргентина ва "Бенфика" ярим ҳимоячиси Энцо Фернандеснинг "Челси"га ўтиши мумкинлиги ҳақида гапирди.
Лондонликлар футболчига асосий даъвогар сифатида кўрилмоқда, аввалроқ "Челси" Қатарда бўлиб ўтган жаҳон чемпионатининг энг яхши ёш футболчиси учун 120 миллион евро тўлашга тайёр эканликлари хабар қилинганди, бироқ кейинроқ "кўклар" "Бенфика"га 85 миллион евро таклиф қилгани маълум бўлди.
"Савол Энцо учун бундай сумма тўлаш тўғрими ёки йўқми? Ўша ёшида жаҳон чемпионатида кўрсатган кўрсаткичлари ажойиб, шунинг учун ҳам у турнирнинг энг яхши ёш футболчиси сифатида эътироф этилди. Унинг бунчалик ёшлигини билмасдим. У жаҳон чемпионатида ғолиб чиққандек ўйнади, унинг ўйинини кўриш жуда ёқимли. Лекин у бу пулга арзийдими, билмайман.
Ҳар бир футболчи бир мавсумни муваффақиятли ўтказиши мумкин. Қийинчилик иккинчи, учинчи ва тўртинчи мавсумни юқори савияда ўтказишда. Бу футболчининг нархини аниқлашнинг ягона йўли, лекин икки ўйиндан кейин бундай миқдордаги суммани сўраш...? Биламан, бу бозор қоидалари, лекин клуб эҳтиёткор бўлиши керак. Футболчининг Премьер-лигада қандай ишлашини билмасдан туриб, бу суммани тўлай олмайсиз. "Челси" эҳтиёткор бўлиши керак. Улар илгари бундай хатога йўл қўйишган, бу катта хавф" - деди Галлас Genting Casino билан суҳбатда.
