"Челси" ярим ҳимоячиси Карни Чуквуэмека Англия Премьер-лигасининг 19-турида "Манчестер Сити"га қарши ўйиндаги мағлубият (0:1) ҳақида гапирди. Учрашувнинг 43-дақиқасида футболчининг йўллаган зарбаси рақиб дарвозаси устунига тегди.
"Гол урдим деб ўйлаганим учун зарба берганимда юрагим том маънода уриб кетди. Шубҳасиз, бугунги кунда бундай бўлмаслиги керак эди. Лекин мен фақат ишлашда давом этишим керак ва умид қиламанки, бу кейинги ўйинларда содир бўлади.
Биринчи бўлимда биз яхши ўйнадик деб ўйлайман. Биз тўпсиз ҳам қаттиқ ҳаракат қилдик, уларнинг имкониятларини чекладик ва тўп билан хавфли кўриндик ҳамда бир нечта вазиятлар яратдик. Биз уларга баъзи муаммоларни туғдирдик, менимча, биринчи бўлимда биз яхшироқ эдик.
Афсуски, биз муваффақиятга эришиш учун гол ура олмадик ва устида ишлашимиз керак бўлган нарса бор", - деди Чуквуэмека "Челси" расмий сайтига.
