Уч карра олимпиада чемпионига айланган Артур Таймазов тақдирлаш маросими тугаганидан кейин ўз ҳаяжонлари билан ўртоқлашди:

— Ушбу ғалаба билан ўзбек халқини табриклайман. Ажойиб ғалаба бўлди. Мен Олимпиадага келаётганимда халқимизга олтин медаль учун курашишга ваъда бергандим. Олтин медални қўлга киритганимдан хурсандман. Мен халқимнинг ишончини оқладим. Сўзимнинг устидан чиқиб, чемпионликни қўлга киритганим — икки баравар қувончли.

Барчани яна бир марта ажойиб ғалаба билан табриклайман. Ишончим комил, ҳозир юртдошларимизнинг кўзидан қувонч кўзёшлари оқмоқда, олтин медаль туфайли барчанинг қалбида фахр ва ифтихор туйғуси жўш урмоқда. Худо яна қанча куч-қувват берса, яна шунча вақт давомида халқимизга қувонч улашишда давом этаман!