Лиссабоннинг "Спортинг" клуби ҳимоячиси Педро Порро ҳамон "Тоттенхэм"нинг трансфер бозоридаги мақсади бўлиб турибди.
Журналист Фабрицио Романонинг фикрича, испаниялик ўнг қанот ҳимоячиси "шпорлар"нинг асосий трансфер мақсадларидан бири ҳисобланади.
Муаммо шундаки, "Спортинг" мавсум ўртасида асосий ўйинчиларидан бирини қўйиб юборишга рози бўлмаса керак. Шу сабабли, "Тоттенхэм" ёзда футболчини қўлга киритиш учун қайта ҳаракат қилиши мумкин.
Эслатиб ўтамиз, 23 ёшли Порро аввалроқ Англияда яна бир топ-клуб - "Манчестер Сити" таркибида тўп сурган ва у яқинда уни доимий равишда тарк этганди.
