Саудиянинг "Ан-Наср" клуби бош мураббийи Руди Гарсия "Реал" ҳужумчиси Эден Азарни жамоага ўтишини истамоқда.
Гарсия аллақачон Азар билан эҳтимолий трансфер ҳақида гаплашган. Гарсия ва Азар яхши таниш - улар аввал "Лилль" сафида бирга ишлаган.
Олдинроқ, Азар ЖЧ-2022 плей-офф босқичига чиқа олмаган Бельгия терма жамоасидаги фаолиятини якунлаганди.
31 ёшли вингер жорий мавсумда “Реал” сафида 6 та ўйинда майдонга тушиб, 1 гол ва голли узатмани амалга оширди. Азарнинг испан клуби билан шартномаси 2024 йилнинг ёзига қадар амал қилади.
Маълумот ўрнида, "Ан-Наср" сафида Азарнинг позициясида ҳамюртимиз Жалолиддин Машарипов ҳаракат қилади.