"Барселона" ҳужумчиси Мемфис Депай "Манчестер Юнайтед"га қайтиши мумкин.
Нидерландиялик ҳужумчининг қайтишига "Манчестер Юнайтед" қизиқиш билдирмоқда. Футболчининг ўзи ҳам Премьер-лига клубига ўтишга қарши эмас. Унинг Каталония клуби билан амалдаги шартномаси 2023 йилнинг ёзига қадар мўлжалланган.
Ҳужумчи аввалроқ 2015 йилдан 2017 йилгача "қизил иблислар" сафида тўп сурган. У 53 та учрашувда қатнашиб, 7 та гол урди ва 6 та голли узатмани амалга оширди.
Жорий мавсумда 28 ёшли ҳужумчи “Барселона” сафида 8 та ўйин ўтказиб, 4 та гол урди ва битта голли узатмани амалга оширди. Transfermarkt порталига кўра футболчининг нархи 20 миллион еврога баҳоланмоқда.
