Ҳамюртимиз Иброҳимхалил Йўлдошев ўйнаётган "Нижний Новгород" клуби бош директори Равил Измаиловнинг айтишича, ҳужумчи Артём Дзюба клубга ўз хизматларини таклиф қилган.
"Артём Дзюба бизга ўз хизматларини таклиф қилдими? Шахсан мен у билан мулоқот қилмаганман, лекин клубимизга қўнғироқ қилиб, унинг хизматларини таклиф қилганлар бор эди. Бизга қизиқ эмас.
Клубимиз сиёсати кўп пул эвазига ўйинчиларни олиш вариант дегани эмас. Ҳа, у юлдуз футболчи, лекин аллақачон қариган. Клубимиз стратегиясини Илья Агапов билан боғлиқ вазият яққол кўрсатиб турибди. Артём Дзюба билан ҳеч қандай музокаралар бўлмаган ва бўлмайди ҳам" - деди Измаилов Россия матбуотига.
Артём Дзюба мавсумни Туркиянинг “Адана Демирспор” клубида бошлаган бўлса-да, бу жамоада бор-йўғи бешта ўйин ўтказиб, битта гол урган. Кузда россиялик футболчи турклар билан шартномани бекор қилди ва эркин агентга айланди.
