Карим Бенземанинг келажаги ноаниқлигича қолмоқда, чунки франциялик футболчининг "Реал" билан амалдаги шартномаси мавсум охирида якунига етади.
Calciomercatoweb хабарига кўра, 35 ёшли ҳужумчига "Ювентус" қизиқиш билдирмоқда. Турин клуби ёзда Бенземани текинга ўз сафига қўшиб олишга умид қилмоқда.
Шу билан бирга, агар “кекса синьора”ни Зинедин Зидан бошқарадиган бўлса, Карим Бенземанинг "Ювентус"га ўтиши мумкинлиги қайд этилган. Айтилишича, 35 ёшли ҳужумчи машҳур мураббий билан яна бирга ишламоқчи.
Зинедин Зидан бир ярим йилдан бери ишсиз юрибди. Миш-мишлар франциялик мураббийнинг аввалроқ футболчи сифатида ўйнаган "Ювентус" билан боғлаяпти.
Эслатиб ўтамиз, кузда Карим Бензема "Олтин тўп"ни олганди.
