"Эвертон" бош мураббийи Франк Лэмпард 6 январь куни вафот этган италиялик собиқ футболчи Жанлука Виаллининг ўлимига муносабат билдирди.
"Мен Жанлука билан кўп марта учрашганман. У ажойиб инсон ва футболчи эди. Барча футболчилар ва мураббийларнинг ҳикоялари кўп нарсадан далолат беради. Жанлука ҳар доим жуда самимий ва меҳрибон инсон бўлган. Бу ҳақиқатан ҳам жуда оғир йўқотиш", - деди Лэмпард L'Equipe билан суҳбатда.
Виалли 58 ёшида саратон касаллигидан вафот этди. Ҳужумчи Чемпионлар лигаси, УЕФА кубоги ва Европа кубок эгалари кубогини қўлга киритган 9 нафар футболчидан биридир. У ушбу турнирларнинг ҳам финалчиси, ҳам ғолиби бўлган ягона футболчи ҳисобланади.
