Ҳужумчи Криштиану Роналду 22 январь куни Саудия Арабистони Премьер-лигасида “Ан-Наср” сафида дебют ўйинини ўтказмоқчи.

Бу вақтга келиб, португалиялик Англия футбол ассоциацияси (ФА) томонидан ноябрь ойида қўйилган икки ўйинлик дисквалификасияни якунлайди.

6 январь, жума куни Роналду “Ан-Наср”нинг 2023 йилдаги илк ўйинини ўтказиб юборди. Усиз жамоа Саудия Арабистони чемпионатининг 12-тури доирасидаги ўйинда “Ал-Таи”ни мағлуб этди (2:0).

“Ан-Наср”нинг навбатдаги ўйини 14 январь куни “Аш-Шабоб”га қарши бўлади.

37 ёшли португалиялик футболчи шу йил бошида риёдликлар сафига ўтган эди. У 2025 йилнинг ёзига қадар шартнома имзолади.