Hujumchi Krishtianu Ronaldu 22 yanvar kuni Saudiya Arabistoni Premyer-ligasida “An-Nasr” safida debyut o‘yinini o‘tkazmoqchi.

Bu vaqtga kelib, portugaliyalik Angliya futbol assosiasiyasi (FA) tomonidan noyabr oyida qo‘yilgan ikki o‘yinlik diskvalifikasiyani yakunlaydi.

6 yanvar, juma kuni Ronaldu “An-Nasr”ning 2023 yildagi ilk o‘yinini o‘tkazib yubordi. Usiz jamoa Saudiya Arabistoni chempionatining 12-turi doirasidagi o‘yinda “Al-Tai”ni mag‘lub etdi (2:0).

“An-Nasr”ning navbatdagi o‘yini 14 yanvar kuni “Ash-SHabob”ga qarshi bo‘ladi.

37 yoshli portugaliyalik futbolchi shu yil boshida riyodliklar safiga o‘tgan edi. U 2025 yilning yoziga qadar shartnoma imzoladi.