"Манчестер Юнайтед" марказий ҳимоячиси Харри Магуайр жамоани тарк этмайди.
Миш-мишларга кўра, "қизил иблислар" англиялик ҳимоячини "Астон Вилла"га ўтказишга келишиб олган, аммо бу маълумот ҳақиқатга тўғри келмайди, дейди нуфузли инсайдер Фабрицио Романо.
Иккала томон ҳам Магуайрнинг кетиши ҳақидаги хабарларни аллақачон рад этишган. Ҳеч қандай мунозаралар бўлмади. 29 ёшли футболчи “Манчестер Юнайтед”да қолиши ва асосий таркибдан жой олиш учун курашни давом эттириши кутилмоқда.
Харри Магуайр Премьер-лиганинг жорий мавсумида Эрик тен Хаг жамоаси сафида бор йўғи 7 та ўйинда майдонга тушди.
