“Ан-Наср” ҳужумчиси Венсан Абубакар ҳали жамоани тарк этгани йўқ.
Аввал хабар қилинганидек, камерунлик футболчининг меҳнат шартномаси Криштиану Роналду учун қайдномада легионер ўрнини бўшатиш мақсадида бекор қилинади.
Инсайдер Фабрицио Романонинг сўзларига кўра, Саудия Арабистони клуби ҳали ҳам Абубакар билан шартномани бекор қилишга рози бўлмаган, бироқ бошқа жамоалар 30 ёшли ҳужумчига қизиқиш билдиришмоқда, бу эса "Ан-Наср"нинг вазифасини осонлаштириши ва футболчининг кетишини тезлаштириши мумкин.
Миш-мишларга кўра, Венсан Абубакарга "Манчестер Юнайтед" қизиқиш билдирмоқда.
