“An-Nasr” hujumchisi Vensan Abubakar hali jamoani tark etgani yo‘q.

Avval xabar qilinganidek, kamerunlik futbolchining mehnat shartnomasi Krishtianu Ronaldu uchun qaydnomada legioner o‘rnini bo‘shatish maqsadida bekor qilinadi.

Insayder Fabrisio Romanoning so‘zlariga ko‘ra, Saudiya Arabistoni klubi hali ham Abubakar bilan shartnomani bekor qilishga rozi bo‘lmagan, biroq boshqa jamoalar 30 yoshli hujumchiga qiziqish bildirishmoqda, bu esa "An-Nasr"ning vazifasini osonlashtirishi va futbolchining ketishini tezlashtirishi mumkin.

Mish-mishlarga ko‘ra, Vensan Abubakarga "Manchester Yunayted" qiziqish bildirmoqda.