"Барселона" ярим ҳимоячиси Франк Кессиэ жамоасининг Испания чемпионатининг 16-турида "Атлетико" устидан қозонилган ғалаба (1:0) ҳақида фикр билдирди.
“Мен ўйнаганимдан ва жамоамнинг ғалабасига ҳисса қўшганимдан хурсандман. Биз мағлуб бўлмадик, уч очкони қўлга киритиш учун ҳамма нарсани қилишимиз керак эди", - деди Кессиэ.
Кот-д'Ивуарлик футболчи ўйиннинг 58-дақиқасида нидерландиялик ярим ҳимоячи Френки де Йонгнинг ўрнига майдонга тушди.
Жорий мавсумда 26 ёшли Кессиэ Каталония клуби сафида барча турнирлар доирасида 14та ўйинда майдонга тушиб, 1та гол урган.
"Барселона" Испания чемпионатининг 16-туридан кейин 41 очко билан пешқадамлик қилмоқда. "Атлетико" 27 очко билан бешинчи ўринда бормоқда.
