Мадриднинг "Реал" клуби ярим ҳимоячи Орельен Тчуамени жароҳат олди.
22 ёшли франциялик футболчи тиббий кўрикдан ўтди, унинг натижаларини Мадрид клуби ўз сайтида маълум қилди.
Тчуаменига чап оёқ мушагининг жароҳати ташхиси қўйилган. Тчуамени қайта тиклаш вақти ҳақида "қаймоқранглилар" аниқ маълумот тарқатишмади.
Орельен Тчуамени жорий мавсумда "Реал" сафида 21 та ўйинда майдонга тушди. Франциялик футболчи иккита голли узатма берди.
"Реал" навбатдаги ўйинини 11 январь, чоршанба куни ўтказади. Карло Анчелотти шогирдлари шу куни Испания Суперкубоги ярим финалида “Валенсия”га қарши баҳс олиб боради.
