"Ювентус" бош мураббийи Массимилиано Аллегри ҳозирда ҳужумчи Душан Влаховичга умид қилмаяпти. Сербиялик футболчининг оёғида муаммо бор ва футболчи энди майдонда ва спорт залида машқ қилишни бошлади.
Tuttosport нашри хабарига кўра, Душан Влахович "Наполи"га қарши навбатдаги ўйинни ўтказиб юборади ва "Ювентус" таркибида январь ойи охиригача ўйнамаса керак. Ҳужумчининг майдонга қайтиши февраль ойи бошида кутилмоқда, аммо ҳозирча аниқ сана йўқ.
2022/2023 йилги мавсумда 22 ёшли Душан Влахович "Ювентус" таркибида 15 та ўйин ўтказди. Уларда сербиялик ҳужумчи еттита гол урди ва шерикларига иккита самарали узатма берди.
