"Yuventus" bosh murabbiyi Massimiliano Allegri hozirda hujumchi Dushan Vlaxovichga umid qilmayapti. Serbiyalik futbolchining oyog‘ida muammo bor va futbolchi endi maydonda va sport zalida mashq qilishni boshladi.
Tuttosport nashri xabariga ko‘ra, Dushan Vlaxovich "Napoli"ga qarshi navbatdagi o‘yinni o‘tkazib yuboradi va "Yuventus" tarkibida yanvar oyi oxirigacha o‘ynamasa kerak. Hujumchining maydonga qaytishi fevral oyi boshida kutilmoqda, ammo hozircha aniq sana yo‘q.
2022/2023 yilgi mavsumda 22 yoshli Dushan Vlaxovich "Yuventus" tarkibida 15 ta o‘yin o‘tkazdi. Ularda serbiyalik hujumchi yettita gol urdi va sheriklariga ikkita samarali uzatma berdi.
