Лондоннинг "Тоттенхэм" клуби Уэьлс терма жамоаси собиқ футболчиси Гарет Бэйлнинг фаолиятини якунлаши ҳақидаги хабарга муносабат билдирди.
"Ҳаммаси учун раҳмат, Гарет Бэйл. Ажойиб фаолият билан табриклайман. Сардор. Қаҳрамон. Ҳаммаси учун раҳмат", - деб ёзди "Тоттенхэм" клубининг "Инстаграм"даги расмий саҳифаси.
Бэйл "Тоттенхэм"да икки марта ўйнади. 2007 йилдан 2013 йилгача у 146 та ўйин ўтказиб, 42 та гол урган. 2020 йилда Гарет "шпорлар"га иккинчи марта "Реал"дан ижарага олинганди.
Бэйл Уэльс терма жамоаси сафида 111 та ўйинда майдонга тушиб, 41 та гол урган. Гарет "аждарлар"нинг барча вақтлардаги энг яхши тўпурари ҳисобланади.
