"Арсенал" бош мураббийи Микель Артета Англия кубоги 1/32 финалида "Оксфорд Юнайтед" устидан қозонилган ғалаба (3:0) ҳақида фикр билдирди.
Турнирнинг 1/16 финалида “канонирлар” “Манчестер Сити”га қарши баҳс олиб боради.
"Бўлгани шу. Демак, турли турнирларда бир хил жамоалар билан ўйнашимиз керак экан. Тайёрланиб, ғалаба қозонишга ҳаракат қиламиз. Бу учрашув яқинда Премьер-лигада бўладиган учрашувдан фарқ қилади, аммо жамоаларимиз бир-бирини яхши билишади. Бу борада бирор нарса ўзгаради, деб ўйламайман", - дея Артетанинг сўзларини келтиради "Арсенал" расмий сайти.
1/16 финал босқичидан ўрин олган "Манчестер Сити" - "Арсенал" учрашуви январь ойи охирида бўлиб ўтади, турнирнинг ушбу босқичи ўйинлари 27-30 январь кунлари бўлиб ўтади. 15 февраль куни жамоалар Премьер-лиганинг 12-туридан ўрин олган қолдирилган учрашувда “канонирлар” майдонида тўқнаш келишади.
