"Бешиктош" клуби марказий ҳужумчиси Воут Вегхорст қишда "Манчестер Юнайтед"га ўтиши мумкин. Ҳужумчи келишув амалга ошишига ишонмоқда. Айни дамда турк клуби билан ҳамкорликни муддатидан олдин тугатиш борасида музокаралар олиб борилмоқда.
Манкунианликлар мураббийлар штаби Вегхорстни Антони Марсиял учун ўринбосар сифатида кўрмоқда. Франциялик футболчи жисмоний ҳолати билан боғлиқ муаммоларга дуч келмоқда ва бу мавсумда ҳали бирорта ҳам тўлиқ ўйин ўтказмаган.
Нидерландиялик футболчи жорий мавсумда Туркия Суперлигасида 16 та ўйинда майдонга тушиб, 8 та гол ва 4 та голли узатмага муаллифлик қилган.
