"Челси" ярим ҳимоячиси Мейсон Маунт клубдан маошини сезиларли даражада оширишни талаб қилгани ҳақидаги маълумотлар ҳақиқатга тўғри келмайди.

Журналист Мэтт Лоунинг ижтимоий тармоқларда хабар беришича, англиялик футболчи раҳбариятидан ҳафтасига 340 минг евро маош сўрамаган.

Эслатиб ўтамиз, Маунт ва "Челси" шартномани узайтириш бўйича музокараларни давом эттирмоқда. Ярим ҳимоячининг жамоа билан амалдаги шартномаси келаси мавсум охирида якунига етади, шу боис "кўклар" тезда янги шартнома тузмоқчи.

Мейсон "Челси" тарбияланувчиси ва ҳозирча клубни тарк этиш истагини билдирмаган. Маунт ушбу мавсумда лигада учта гол урди ва иккита голли узатмани амалга оширди.