Лионель Мессининг «ПСЖ» билан амалдаги шартномаси мавсум охирида тугайди, шу боис жамоа бош мураббийи Кристоф Галтье ҳар бир матбуот анжуманида аргентиналик ҳужумчининг келажаги ҳақида гапиришига тўғри келмоқда.
«Музокаралар давом этмоқда, клуб спорт раҳбарияти Лео билан шартномани узайтириш ҳақида гаплашмоқда. Қайси босқичда эканлигини билмайман. Менимча, Лео Парижда бахтли. Лекин унинг клуб лойиҳасига нисбатан позициясини билиш керак. Бу мен у билан муҳокама қилмайдиган мавзу», - деди Галтье.
Лионель Месси 35 ёшда. У 2021 йилнинг ёзидан буён «ПСЖ»да ўйнамоқда.
