"Фиорентина" ва "Рома" клубларининг собиқ ҳужумчиси Габриэль Батистута Италияда ишлаш истагини билдирди. Батистута "Фиорентина" тарихидаги энг буюк футболчилардан бири саналади.
"Мен Италияни жуда яхши кўраман ва у ерда ишлашни хоҳлайман. Мураббийлик лицензиясини олдим, лекин тўғрисини айтсам, ўзимни кўпроқ функционер сифатида кўраман.
Мен шошмайман. Мен ўз-ўзидан қарор қабул қилмайман ва дуч келган биринчи имкониятга ёпишиб қолмайман. Агар ҳақиқатан ҳам қизиқарли лойиҳа пайдо бўлса, мен "ҳа" деб жавоб бераман"- деди Батистута DAZN билан суҳбатда.
