Франциялик ҳужумчи Килиан Мбаппе фаолиятини “Реал”да давом эттириши мумкин.
Журналист Карлос Карпио хабарига кўра, "ПСЖ" ҳужумчиси ҳали ҳам Мадрид клубига ўтиш ниятида.
"Реал Мадрид" президенти Флорентино Перес молиявий талабларни пасайтирган ҳолда келажакда ўз хизматларини таклиф қилса, франциялик футболчи билан шартнома имзолашдан бош тортмайди.
Эслатиб ўтамиз, ўтган мавсум охирида Мбаппе "Реал"га ўтишдан бош тортган ва "ПСЖ" билан шартномасини узайтирган эди.
Охирги жаҳон чемпионатида Килиан етти учрашувда саккизта гол урди ва битта голли узатмани амалга оширди. Мбаппе финалда хет-трик қайд этди.
Мбаппе жорий мавсум Франция чемпионатида 16 марта майдонга тушиб, 13 марта гол урган ва 2 голга ассистентлик қилган.
