"Барселона" бош мураббийи Хави "Бетис"га қарши Испания Суперкубоги ярим финали олдидан журналистлар билан суҳбатлашди.
"Кубокни ютиш учун иккита ўйинда ғалаба қозонишимиз керак. Агар шундай қилсак, мавсумнинг қолган қисмида руҳиятимиз, ишончимиз ва хотиржамлигимиз ошади. Агар ютқазсак, умидсизлик бўлади.
Мен Суперкубокда ғалаба қозонишни жуда хоҳлайман. Менда шундай истак бор. Мен кубок ютиш учун келдим, агар бу мавсумда совринларни қўлга кирита олмасак, мени ўлдирасизлар. Унвонларни қўлга киритиш вақти келди", - дейди Хави.
"Барселона" ва "Бетис" учрашуви 12 январь куни Тошкент вақти билан соат 23:59да бошланади.