Иордания терма жамоасига қарши баҳс олиб борган Ўзбекистон миллий терма жамоаси кичик ҳисобда ғалаба қозонди.

Миржалол Қосимов учрашувга эксприментал таркибни туширганди. Асосий таркибнинг деярли барча футболчиларини захирада қолдирган мураббий асосан терма жамоага янги жалб қилинган футболчиларга имконият берганди.

Қизиқ томони, бу ўзини оқлади. Албатта биринчи бўлимда устунлик рақиб томонида бўлгани ҳам бор гап. Кескин ёшартирилган таркиб билан асосий таркибни бошлаган Ўзбекистон терма жамоаси иккинчи бўлимда таркибда қилинган бир қатор ўзгаришлар натижасида бутунлай ўйинни жонлантирди. Сервер Жепаров, Тимур Кападзе, Ислом Тўхтахўжаевлар ўйинни кучайтира олишди.

Бунинг самараси ўлароқ учрашувда ҳисоб 78-дақиқага келиб очилди. Бурчакдан етказиб берилган тўпни Темур Кападзе бош билан иорданияликлар дарвозасига жойлаб қўйди.

Бу гол ўйин сўнггига қадар ўзгармай қолди ва терма жамоамиз режалаштирилган биринчи ўртоқлик учрашувида Иордания терма жамоасини кичик ҳисобда мағлубиятга учратишди.

Терма жамоамиз Иордания дарвозасини ишғол қилган вазият

ИОРДАНИЯ - ЎЗБЕКИСТОН 0:1 (0:0)
Гол: Темур Кападзе (78).

Ўзбекистон (асосий таркиб): Муроджон Зухуров, Жаҳонгир Жиямуродов, Акбар Исматуллаев, Шавкат Муллажонов, Салим Мустафоев, Фозил Мусаев, Дилшод Раҳматуллаев, Шоҳрух Гадоев, Жасур Ҳасанов, Улуғбек Бақоев, Жаҳонгир Абдумўминов.

Захирадан майдонга тушганлар: Сервер Жепаров, Ислом Тўхтахўжаев, Темур Кападзе, Станислав Андреев