"ПСЖ" футболчилари Лига 1нинг 18-тури доирасидаги "Анже"га қарши ўйин олдидан афсонавий бразилиялик Пеле хотирасига футболкаларда тайёргарлик кўришди.
Футболчиларнинг кийиб олган оқ либосида Пеленинг сурати ва “Абадий қирол” ёзуви бор эди.
Уч карра жаҳон чемпиони Пеле 29 декабрь куни 82 ёшида вафот этди. Бразилия терма жамоасининг собиқ ҳужумчиси 2021 йилнинг кузида унда аниқланган онкологик касаллик билан узоқ вақт курашди. 2022 йилнинг ноябрида Пеле касалхонага ётқизилган эди.
"ПСЖ" 44 очко билан Лига 1 турнир жадвалида пешқадамлик қилмоқда. "Анже" 4 очко билан 20-ўринни эгаллаб турибди.
