Хабарингиз бор, кеча Испания суперкубогининг ярим финалидан ўрин олган баҳсда “Реал” (Мадрид) ва “Валенсия” (Валенсия) жамоалари ўзаро тўқнаш келишди. Мазур ўйининг асосий вақти ҳамда “экстра-таймлар”да дуранг – 1:1 ҳисоби қайд этилди. Пенальтилар сериясида эса омад мадридликларга кулиб боқди – 4:3.
Учрашув якунланганидан сўнг, “Реал” ярим ҳимоячиси Марко Асенсио ўйин ҳақидаги фикрларини билдириб ўтди.
- Ўйин қийин кечди. Ҳар икки жамоага ҳам ритм етишмади. Бизга оғир бўлди, аммо финалдамиз ва энг асосийси шу.
- Баҳснинг қийин кечишига нима сабаб бўлди?
- Иккинчи бўлимдаги тезкор гол барчасини барбод қилди. “Валенсия” ҳам яхши ўйнади ва буни тан олишимиз керак.
- Жисмоний томонлама жамоангиз “Валенсия”га қараганда ўйин охирига катта захира билан етиб келдими?
- Баҳсни пенальтиларгача олиб бормаслик учун биз гол уришни истагандик. Аммо тўп дарвозага киравермади. Финалда эканлигимиздан хурсандмиз.
- Финалда қайси жамоага рақиб бўлишни хоҳлайсиз – “Барселона”гами ёки “Бетис”гами?
- Менга рақибнинг фарқи йўқ.
