Англия Премьер-лигасининг 7-туридан ўрин олган қолдирилган ўйинда “Фулхэм” Лондоннинг “Челси” жамоасини мағлуб этиб, жорий чемпионатдаги тўққизинчи ғалабасини қўлга киритди.
Ёзги голлардан бирини "Челси"даги ўйинлари билан ёдда қолган Виллиан киритди. Маълум бўлишича, бразилиялик "Челси"да ўйнаб, клубни тарк этган ва унга гол урган АПЛ тарихидаги 26-футболчи бўлди. Бу кўрсаткич бўйича "Челси" Англия чемпионати тарихида пешқадам бўлиб турибди.
Лондоннинг “Челси” клуби Англия чемпионатидаги навбатдаги ўйинини 15 январь куни Лондоннинг бошқа бир клуби – “Кристал Пэлас”га қарши ўтказади.













