"Рома" ҳимоячиси Крис Смоллинг клуб раҳбарияти билан шартномани узайтириш бўйича музокараларни давом эттирмоқда, дея хабар беради журналист Николо Скира.
33 ёшли инглизнинг агентлари аллақачон Римда. Тез орада улар "Рома" билан янги шартнома борасида музокара олиб боришади.
Италия жамоаси Смоллингга 2025 йилгача янги шартнома таклиф қилмоқда. Таклиф қилинган маош эса 2,5 миллион евро.
Смоллинг “Рома” сафида 2020 йил октябрь ойидан буён тўп суради. 2022/23 йилги мавсумда у жамоа сафида 23 та ўйинда майдонга тушиб, 3 та гол урган.
Англиялик футболчининг римликлар билан шартномаси 2023 йилнинг июнь ойи охиригача амал қилади.
