Лионель Мессига Саудия Арабистони клублари қизиқиш билдирмоқда.
35 ёшли аргентиналик футболчига "Ал-Ҳилол" ва "Ал-Иттиҳод" даъвогарлик қилмоқда, деб хабар беради Marca.
Хабарларга кўра, ҳар икки клуб ҳам Мессига мавсум учун 350 миллион евро тўлашга тайёр. Аммо бунинг учун улар мамлакат расмийларига молиявий ёрдам сўраб мурожаат қилиш ниятида.
Шу билан бирга, ҳар икки клуб ҳамон ФИФА санкциялари остида ва турли операциялардаги қоидабузарликлар туфайли келаси ёзгача шартнома имзолай олмайди.
Эслатиб ўтамиз, аввалроқ Криштиану Роналду Саудиянинг "Ан-Наср" клубига ўтган бўлса, у мавсум учун тахминан 200 миллион евро олади.
