"Реал Мадрид" ёзда ҳимоянинг ўнг қанотини кучайтирмоқчи эмас. Маrcа хабарига кўра, бу ўрин учун янги футболчи сотиб олиш "қироллик клуби" раҳбариятининг режаларига киритилмаган.
Эслатиб ўтамиз, айни дамда "Реал Мадрид" ҳимоясининг ўнг қанотида Дани Карвахал ва Лукас Васкес каби футболчилар ҳаракат қилишмоқда. Айтганча, иккинчиси яқинда жиддий жароҳат олди ва Чемпионлар лигасининг ⅛ финалининг "Ливерпул"га қарши биринчи ўйинини ўтказиб юборишга мажбур бўлади.
Манбага кўра, у ҳолда "Реал Мадрид" академиядаги қайсидир футболчини базага қўшиб олишга тайёр. Улардан бири яқинда Донецкнинг “Шахтёр” клубидан келиб қўшилган Винисиус Тобиас бўлиши мумкин.













