"Наполи" бош мураббийи Лучано Спалетти Италия чемпионатининг 18-тури доирасида "Ювентус"ни мағлуб этганидан кейин (5:1) ярим ҳимоячи Хвича Кварацхелияни мақтади.
"Кварацхелия дунёнинг энг кучли футболчиларидан бирига хос техникага эга. Унда мақсад туйғуси бор ва у ҳар доим дарвозабон учун энг қийин бўлган энг аниқ бўлмаган ечимларни топади. У ҳар томонлама яхши", - деди Спалетти.
"Ювентус" билан ўйинда Кварацхелия гол урди ва иккита голли узатмани амалга оширди. Умуман олганда, 21 ёшли грузиялик "Наполи" сафида барча мусобақаларда 20 ўйинда 9 гол ва 13 голга ассистентлик қилган.
