"Ливерпуль" бош мураббийи Юрген Клопп АПЛ доирасида "Брайтон"дан учралган мағлубият (0:3) ҳақида фикр билдирди.

"Биз учун ҳаммаси жуда ёмон. Бундан ёмонроқ ўйинни эслай олмайман. Балки қийин эмасдир. "Брайтон" бу беллашуда энг яхши жамоа эди, уларнинг ғалабаси ҳақли эди.

Улар жуда яхши ўйнашди. Бу жуда уюшқоқ жамоа ва унчалик уюшмаган жамоа ўртасидаги ўйин эди. Биз тўпни бердик, бўш худудларимиз жуда кўп эди.

"Брайтон"дек тайёр жамоага қарши ёмон ўйнадик. Улар ишончли эди, лекин биз умуман эмас эдик. Тасаввур қила оламанки, улар жуда хурсанд бўлишди, чунки бу ажойиб ўйин бўлди ва биз кўп нуқталарда улар учун жуда яхши вазиятларни яратишга имкон бердик.

Уларнинг футболчилари ажойиб футбол ўйнашди, лекин биз ишларни тўғри йўлга қўя олмасак, бугунгидек кўринишда давом этишимиз мумкин”, - деди Клопп.