Reddit порталида хет-триклар сони бўйича тарихдаги энг яхши футболчилар рўйхати келтирилган инфографика пайдо бўлди.

Биринчи ўринни 1363 учрашувда 92 та хет-трик қайд этган афсонавий бразилиялик Пеле ишончли тарзда эгаллаб турибди.

Иккинчи поғонада 1145та ўйинда 60 та хет-трик қайд этган Криштиану Роналду бормоқда. Учинчи ўринда 1025 та ўйинда 56 та хет-трик қайд этган Лионель Месси турибди.

Кейинги ўринларда 30 та хет-трик билан Роберт Левандовски ва 29 та хет-трик билан Луис Суарес турибди.

Ўтган йилнинг охирида Пеле оламдан ўтди. Сўнгги йилларда футбол қироли саратон касаллиги билан курашганди.