Криштиану Роналду фаолиятининг янги ва эҳтимол якуний босқичига кирди. Энди беш карра «олтин тўп» соҳиби Саудия Арабистонида ўйнайди. Португалиялик футболчи ҳозир 37 ёшда ва унинг фаолияти қачон тугаса ҳам, футбол тарихидаги энг ёрқин ўйинчилардан бири бўлиб қолаверади.
Яқинда Роналду асосий спортдаги йўлини яна бир бор эслаш имкониятига эга бўлди. Криштиану Live Score ютуб каналига ташриф буюрди ва викторинада иштирок этди, у ерда фаолиятидаги энг муҳим ўйинларни тахмин қилиши керак эди. Португалиялик вазифани уддалади, лекин ўйинларни ўз ўрнига қўймай санади. Қуйида уларни эътиборингизга ҳавола этамиз.
Москвадаги Чемпионлар Лигаси финали
Чемпионлар лигаси финали, 2008 йил 21 май
Манчестер Юнайтед 1:1 Челси (6:5 пен.)
Голлар: Роналду, 26 - 1:0, Лэмпард, 45 - 1:1.
«Чемпионлар лигаси финали ҳар доим ўзгача ўйиндир. Бундай пайтларда юрак уриши тезлашади. Эсимда, ўшанда мен ҳисобни очгандим, аммо кейин пенальтилар сериясида Петр Чех менинг зарбамни юзи билан қайтарди. Бир ўйинда мен учта ҳиссиётни бошдан кечирдим: голдан кейинги бахт, ўтказиб юборилган пенальтидан кейинги қайғу ва якундаги ғалабадан кейинги қувонч. Бу ажойиб ва мен ўша ўйинни жуда яхши эслайман», — дея ёдга олди Криштиану.
Евродаги ғалаба
Европа чемпионати финали, 2016 йил 10 июль
Португалия - Франция - 1:0
Гол: Эдер, 109 - 1:0.
«Москвадаги Чемпионлар лигаси финалида бўлгани каби, ҳис-туйғулар бу ерда ҳам бутунлай бошқача. Бахт, қайғу ва яна бахт. Биринчи дақиқаларданоқ майдонга чиқдим ва хурсанд бўлдим, кейин жароҳат олиб, майдонни йиғлаб тарк этдим. Кейин ечиниш хонасида нервларим ишламай қолгандек туюлди, тиззам шишиб кетди. Шунчаки ишониб бўлмас оғриқлар.
Бу менинг фаолиятимдаги энг муҳим совриндир. Сиз оилангиз ва дўстларингиз орасида ўсиб улғайган футболчи ва ота сифатида мамлакатингиз учун нимадир ютиб беришингиз керак эди ва мен буни уддаладим», — деди Криш.
«Деcима» - Реал Мадрид
Чемпионлар лигаси финали, 2014 йил 24 май
Реал Мадрид 4:1 Атлетико Мадрид
Голлар: Годин, 36 - 0:1, Рамос, 90+3 - 1:1, Бейл, 110 - 2:1, Марсело, 118 - 3:1, Роналду, 120 (пен.) - 4:1.
«Ажойиб хотиралар, қўшимча равишда ўша учрашув Лиссабонда бўлган. Менинг оилам ва бошқалар хурсанд бўлишди. Чемпионлар лигаси финалида ўз мамлакатингизда ўйнаш - бу алоҳида ҳиссиётларни тақдим этади. Ўша ўйин хотиралари менда абадий қолади. «Реал Мадрид»га ўтгач, Чемпионлар лигасида ғалаба қозониш - бу қандайдир ёқимли эйфория эканлигини дарҳол ҳис қиласиз. Мухлислар ҳар доим фақат бу ҳақида ўйлашади. Аввалига кубокни олишга улгурмадик, йилдан-йилга босим кучайиб бораверди. Ва кейин 10-ғалаба «деcима» юзага келди», — дейди Роналду.
Жаҳон чемпионатидаги хет-трик
ЖЧ-2018 гуруҳ босқичи, 2018 йил 15 июнь
Португалия – Испания – 3:3
Голлар: Роналду, 4 (пен.) - 1:0, Коста, 24 - 1:1, Роналду, 44 - 2:1, Коста, 55 - 2:2, Начо, 58 - 2:3, Роналду, 88 - 3:3.
«Мен яна махсус ўйин ҳақида гапиришни хоҳлайман, бу ҳақиқатан ҳам шундай ажойиб лаҳзаларни бера олган. Испанияга қарши ўйинда хет-трик қайд этганинимни тасаввур қилинг-а! Франциями, Германиями, фарқи йўқ. Ҳатто аутсайдер бўлса ҳам! Жаҳон чемпионатида бошқача бўлиши мумкин эмас. Бундай воқеалар, айниқса, биз учта гол урганимиздан кейин хотирадан чиқмаслиги аниқ», — қўшимча қилди КриРо.
Спортинг учун биринчи гол
Португалия чемпионати, 2002 йил 7 октябрь
Спортинг 3:0 Морейренсе
Голлар: Кутузов, 30 - 1:0, Роналду, 34 - 2:0, Роналду, 90 - 3:0.
«Биринчи голим алоҳида аҳамиятга эга эди ва «Спортинг» ҳали ҳам юрагимда қолади. Ажойиб хотиралар. Айтганча, гол жуда яхши бўлди. Мен эндигина 17 ёшда эдим», — деди Роналду.
"Реал Мадрид" билан иккинчи Чемпионлар лигаси
Чемпионлар лигаси финали, 2016 йил 28 май
“Реал Мадрид” 1:1 “Атлетико Мадрид” (5:3 пен.)
Голлар: Рамос, 15 - 1:0, Карраско, 79 - 1:1.
“Чемпионлар лигасидаги ғалабалар хотирамда абадий сақланиб қолган. Атмосфера, куннинг ўзи, оиладаги кайфият, жамоадошлар, ўйиндан олдинги кеча. Финал ҳақида ўйлаганингизда буларнинг барчаси эсга тушади. Бу ажойиб. Ўша финалда мен сериядаги ғалабали пеналтини амалга оширдим, футболкамни ечиб ташладим".
"Ювентус" билан биринчи соврин
Италия Суперкубоги, 2019 йил, 16 январь
“Ювентус” – “Милан” – 1:0
Гол: Роналду, 61 - 1:0.
«Ўша учрашувни жуда яхши эслайман, чунки бу менинг ҳаётимдаги янги саргузашт эди. “Реал Мадрид”даги 9 йиллик фаолиятимдан сўнг, 33 ёшимда “Ювентус”га, Италия чемпиони сафига ўтдим. "Милан" билан ўйинда эса жамоа билан биринчи совринни қўлга киритдим.
Кубокни қўлга киритганингизда, бу ҳар доим ажойиб лаҳзадир, чунки мавсум давомида сиз ниманидир ютиш, мазмунли нарсага эришиш учун борингизни берасиз. Энг муҳими - голлар, дейиш осон. Аммо мен кубокларни юқорига қўяман - улар учун биз курашамиз, машқ қиламиз ва кўп вақт ажратамиз. Янги жамоадаги биринчи чемпионлик ҳақида гап кетганда, бу ўзгача вазиятдир», — дея якунлади Роналду.
