"Манчестер Юнайтед"нинг ҳужумкор ярим ҳимоячиси Бруну Фернандеш Маркус Рэшфорднинг ўйини ҳақида гапирди.
25 ёшли форвард ЖЧ сабабли юзага келган танаффусдан сўнг 7та ўйинда 8та гол урди.
"Шубҳасиз, Рэшфорд дунёнинг энг яхши ўйинчиларидан бири, лекин у узоқ вақтдан бери шундай бўлиб келмоқда. Келажакда бу янада яхшиланади, биз бунга ишонамиз. Энди у ҳар доим муносиб бўлган ҳамма нарсани олади: голлар, совринлар, эътироф. Унинг машаққатли меҳнати ўз самарасини бермоқда ва биз унинг муваффақиятидан жуда хурсандмиз. У ҳамма нарсага лойиқ эди", - дея португалияликнинг сўзларидан иқтибос келтиради "Манчестер Юнайтед" матбуот хизмати.
