«Арсенал» марказий ҳимоячиси Уильям Салиба Микель Артета жамоасида ўйнашдан хурсанд эканлигини айтди.
Эслатиб ўтамиз, франциялик футболчининг «канонирлар» билан амалдаги шартномаси келаси мавсум охирида якунига етади.
«Мен «Арсенал»да жуда бахтлиман. Менинг агентим янги шартнома масаласи билан шуғулланмоқда. Энди мен бошқа нарсаларга эътибор қаратишга ҳаракат қиламан. Менга бу жамоада ўйнаш жуда ёқади», - дея Салибанинг сўзларини келтиради журналист Фабрицио Романо.
Эслатиб ўтамиз, 21 ёшли Уильям Салиба жорий мавсум Премер-лигада 18 та ўйинда майдонга тушиб, 2 та гол ва битта голли узатмани амалга оширди.
