“ПСЖ” футболчиларнинг сўнгги ўйинларда фойдаланган 17 та либоси кимошди савдосида сотилди.
Лионель Мессининг “Анже”га (2:0) қарши ўйиндаги формасини хитойлик харидор харид қилди. Аукцион давомида у 22 000 евродан бошлаб 7 та гаров тикди ва 43 623 евро таклиф қилиб ғалаба қозонди.
Аргентиналик футболчининг футболкаси ушбу аукционда энг қимматига айланди. Неймарнинг футболкаси ўз харидорига 7894 еврога тушди, Килиан Мбаппенинг "Ланс" (1:3) ва "Страсбург" (2:1)га қарши ўйиндаги либоси мос равишда 14 083 евро ва 15 017 еврога тушди.
